Një 6-vjeçare dyshohet se është abuzuar seksualisht nga kushëriri i saj 13-vjeçar. Ngjarja e rëndë ka ndodhur tre ditë më parë në banesën e të miturës në lagjen “Donika Kastrioti” në Berat. Babai i vajzës së abuzuar ka kërkuar arrestimin e 13-vjeçarit, duke deklaruar se nëse nuk vihet në pranga nga policia, do ta vrasë me duart e tij.
Mësohet së vajza e mitur ka qenë duke luajtur me 13-vjeçarin në banesën e saj në momentin që është abuzuar seksualisht. Ajo ka njoftuar prindërit për ngjarjen, të cilët e kanë çuar menjëherë tek mjeku. Ndërkohë pas kontrollit, mjekët gjinekologë në Berat kanë konkluduar që 6-vjeçarja është abuzuar seksualisht.
Më pas prindërit e vajzës së mitur kanë bërë denoncim në polici. Blutë e Beratit e ka shoqëruar të dyshuarin e ngjarjes dhe më pas e ka liruar, duke vazhduar hetimin ndaj tij në gjendje të lirë.
