Shqipëria ka pësuar një dëm të konsiderueshëm në aspektin ushtarak në tri dekadat e fundit, sipas avokat Idajet Beqirit, dhe kjo është “vepra e ish-presidentit dhe ish-komandantit të Forcave të Armatosura, Sali Berisha”.
Z. Beqiri e bëri deklaratën në studion e “3D” me gazetarin Alban Dudushi, duke e cilësuar “tradhti” ndaj vendit sabotimin e mbrojtjes shqiptare.
“Në këto 32 vjet është lajmi më i mirë që u jepet shqiptarëve, sepse më në fund po shohin që ky vend, i cili sigurinë kombëtare, në aspektin e kufijve dhe që ishim të rrezikuar, tani thonë që më në fund po e marrim veten. Pas asaj tradhtie të rëndë kombëtare që iu bë Shqipërisë dhe shqiptarëve me shkatërrimin përfundimtar të ushtrisë, të mbrojtjes së këtij vendi, që për cilindo të vend, sado i fuqishëm të ishte, sepse vetëm asetet ushtarake të shkatërruara ishin 130 miliardë dollarë. Po të marrësh në konsideratë faktin që në 24 orë, Poliçani prodhonte 40 tonë municion në ditë dhe po të kesh parasysh faktin që vetëm fabrika e armëve në Gramsh prodhonte 480 kallashnikovë në 24 orë dhe po të kesh parasysh faktin që kishim 192 avionë luftarakë, plus 6 helikopterë ushtarakë, dhe po të kemi parasysh faktin që kishim 1.200 tanke – 1 tank e kishte vlerën 800 mijë dollarë, të rinj, pasi nuk e provuan luftën – pra në një situatë sabotimi kaq të rëndë kombëtar, për të mos folur për flotën detare me katër nëndetëse.
Kjo është vepra e ish-presidentit dhe ish-komandantit të Forcave të Armatosura, Sali Berisha. Derisa pesë vjet i lë për skrap dhe nuk mori asnjë masë që t’i mirëmbante, i nxori njerëzit nga puna aviatorët, tankistët, ushtarakët i nxori me 24/1, i hodhi në rrugën e madhe që të shisnin banane, si mund të ndodhte ndryshe,” tha avokat Beqiri.
/a.r
