Në një konferencë shtypi me gazetarët, zëvendësministrja e Financave, Irena Beqiraj ka komentuar për gazetarët treguesit e të ardhurave në tatime dhe dogana për tremujorin e parë të vitit 2015.
Beqiraj iu referua të gjithë zërave të të ardhurave, sipas treguesve të buxhetit të konsoliduar. Ajo tha se akciza, krahasuar me tremujorët respektivë të viteve 2013, 2014, në tre muajt e parë të 2015 shënon rritje, në të gjitha produktet që e paguajnë këtë taksë.
Sipas zëvendësministres Beqiraj, përjashtim bën vetëm duhani, i cili shënon rreth 32,2 ton më pak dhe kjo për shkak të ligjit anti-duhan dhe rritjes së akcisës me qëllim uljen e konsumit të këtij produkti. Ndërkohë që vërehet një ulje e importit në produktet e akzicës, pasi për këtë periudhë raportohet dhe rritje e prodhimit vendas. Beqiraj tha se kjo taksë në total ka sjellë në buxhet 901,974 milionë lekë.
Duke folur për Tatimin mbi Vlerën e Shtuar (TVSH), zëvendësministrja Beqiraj krahasoi tremujorin e parë të 2014-ës me atë të vitit 2015 dhe tha se janë mbledhur 2,388,822 milionë lekë më pak, duke përmendur edhe arsyet e kësaj ulje.
Ajonënvizoi faktin se sot kemi 8 doganierë të kallëzuar në prokurori për lejim kontrabande dhe të tjerë që janë në proces hetimi.
