“A parandalon apo jo tumoret një kontroll më i mirë i duhanpirjes në mjedise publike të mbyllura? #VajMedetPD aty e kishte ligjin dhe për 8 vjet nuk bëri asgjë për ta zbatuar!” – shkruan sot ministri i Shëndetësisë.
Ilir Beqaj ka reaguar pas investimeve në Onkologjik, ndërsa liston për opozitën pyetjet e mëposhtme:
A depistohet më mirë kanceri i gjirit me 2 njësitë e mamografisë së lëvizshme që janë prezente në të gjithë territorin e vendit?
A depistohet më lehtë kanceri i gjirit me tarifë ZERO, pra #FALAS për këdo që bën mamografinë?
A depistohet më lehtë tumori kolonorektal me analizë #FALAS të feces për gjak okult për këdo mes moshë 40 e 65 vjeç?
A mjekohen më mirë pacientët me dyfishimin e barnave citostatike? #QSUT është furnizuar me dy apo tre herë më shumë barna citostatike.
A mjekohen më mirë pacientët me shtimin e 16 principeve aktive dhe 22 alternativave të reja në Listën e Barnave të Rimbursueshme?
A mjekohen më mirë pacientët me akseleratorin e ri linear në Neurokirurgji #QSUT? Funksionon që prej qershorit 2014.
A mjekohen më mirë pacientët me akseleratorin e ri linear në Onkologji #QSUT? Funksionon që prej prillit 2016.
A mjekohen më mirë pacientët që duhet të bënin kemioterapine me vetëm 4 shtretër që kishte #QSUT në korrik 2013 apo me 13 shtretër aktualisht në #QSUT dhe 4 shtretër në spitalin rajonal të #Durrësit?
A trajtohen më mirë sot pacientët me sëmundje tumorale kur kujdesi paliativ po shtrihet pothuaj në të gjithë vendin?
Sigurisht që po. Këto janë themelet që kemi hedhur për ndryshimin rrënjësor të kujdesit shëndetësor për sëmundjet tumorale dhe kemi ende shumë për të bërë.
