I ftuar në Shqip nga Rudina Xhunga në ‘Dritare TV, ish deputeti socialist Ilir Beqaj ka komentuar situatën e krizës energjetike e cila pritet të prekë vendin tonë. Beqaj u shpreh se duhet ndryshim i qeverisjes se sektorit energjetik që kërkon rivlerësim të modelit të deritanishëm që nuk po funksionon.
“Qeverisja e sektorit energjetik kërkon rivlerësim të modelit të deritanishëm që nuk po funksionon. KESH një ndërmarrje publike që mund të funksionojë shumë mirë, por nuk duhet të jetë qëllimi i menaxhimit të KESH vetëm performaca e mirë vetem e saj nëse OSHEE do të ketë një performancë jo të mirë financiare duke mos pasur investime, duhet një rivlërisiëm i përbashkët i situatës, duhet rivlerësuar modeli duke e diskutuar me partnerët tanë”, u shpreh Beqaj.
Tetori mund të kalojë pa ngritje çmimi
Beqaj u shpreh se situatën e muajit tetor mund ta kalojë pa rritje çmimi. “Ne vijmë nga një verë e nxehtë dhe konsum të lartë energjie, por kemi edhe një rritje të kërkesës së energjisë pavarësisht çmimit. Mos e bëjmë kaq dramë të madhe rritjen e çmimit të energjisë. Situatën e muajit tetor mund ta kalojmë pa rritje çmimi. Këtë moment mund ta kalojmë pa rritje çmimi. Më e rëndë është ndërprerja e energjisë se sa çmimi i lartë”, u shpreh Beqaj./Dritare.net
