Drejtori i Zyrës për Kosovën në Qeverinë e Serbisë, Marko Gjuriç, ka deklaruar se Kosova ka nënshkruar MSA-në në një formë ndryshe në krahasim me shtetet tjera që kanë nisur rrugën për integrim në BE. Me këtë, sipas Gjuriçit, tregon se Kosova nuk e ka bërë këtë marrëveshje si shtet.
Gjuriç për mediat ruse ka thënë se këtë dokument, Kosova e ka nënshkruar si palë juridike dhe, jo si shtet, transmeton lajmi.net. Ai ka vlerësuar se nënshkrimi i kësaj marrëveshje mes BE-së dhe Kosovës, nuk nënkupton se Serbia ka pranuar pavarësinë e kësaj të fundit.
