Policia italiane e qytetit të Velletrit ka arrestuar një natë më parë shqiptarin me inicialet L.P., 43 vjeç, me akuzën e vrasjes së italianit 32 vjecar me profesionin ekonomist, Francesco Maria Penacchi.
Vrasja ka ndodhur për motive të dobëta në studion e punës së italianit, e pozicionar pranë banesës së shqiptarit ku ai jeton bashkë me familjen prej disa vitesh në këtë qytet.
Një festë e organizuar në orët e vona të natës në studion e punës së Francesco Maria Penacchit ka shkaktuar një grindje mes tij e shqiptarit L.P., e cila më pas ka degjeneruar në dhunë fizike.
Shqiptari 43-vjeçar e ka qëlluar me një thikë kuzhine të gjatë 20 cm italianin. Plagët e marra në gjoks i kanë shkaktuar vdekjen e menjëhershme.
Shqiptari është shoqëruar nga forcat e rendit në burgun e qytetit të Veletrit deri në pritje të nisjes së procesit gjyqësor.
