Kapet dhe ndalohet një shtetas i shpallur në kërkim për vepren penale të “Vjedhje në bashkëpunim”
Agjentët e Komisariatit të Policisë Nr 3, kanë bërë të mundur kapjen e shtetasit në kërkim:
• Ndue Koleci, 20 vjeç, banues në Lezhë.
Ky shtetas është kapur nga agjentët e Komisariatit të Policisë nr 3, pas informacioneve që disponoheshin se fshihej në zonën e “Unazës së Re” Tiranë.
Në momentin kur agjentët e policisë janë afruar për ta ndaluar, shtetasi Ndue Koleci, i ka bërë rezistencë punonjësve të policisë duke u larguar me vrap dhe është ndjekur prej tyre duke përshkruar një distanc të caktuar rruge nëpër rrugicat e lagjes.
Për këtë shtetas, Gjykata e Tiranës, me Vendimin Penal të datës 05.05.2016, ka caktuar masën e sigurisë “Arrest me burg”, për veprën penale “Vjedhje në bashkëpunim”, parashikuar nga Neni 134/2-25 i Kodit Penal./a.k
