I akuzuari për trafik ndërkombëtar droge në Itali Lutfi Shabanit, i njohur ndryshe si Ben Çami nuk do të ekstradohet në Itali.
Kjo pasi Gjykata e Durrësit ka rrëzuar kërkesën për ekstradimin e tij drejt shtetit fqinj, i cili akuzohet për trafikun e 570 kilogramëve kanabis sativa, ku dhe është dënuar me 10 vite burg.
Ben Çami rezulton i dënuar edhe dy herë të tjera nga Gjykata e Krimeve të Rënda brenda këtij 10-vjeçari. Dënimi i parë i Ben Çamit nga kjo Gjykatë është dhënë në vitin 2007 duke dënuar me 2 vite burg.
Pasi la qelinë e dënimit, arrestohet sërish në rrugën Kavajë-Durrës me mbi 15 kg heroinë që dyshohej se vinte nga Maqedonia. Me arrestimin e tij, policia i vuri prangat edhe 5 bashkëpunëtorëve të tjerë shqiptar por që kishin edhe shtetesi maqedonase dhe amerikane./a.m.