Një automjet “BMW X6” me targa AA868NS ka përfunduar pasditen e djeshme në oborrin e një shtëpie, tek “Komuna e Parisit” teksa po përpiqej ti shpëtonte policisë.
Drejtuesi i mjetit, Bektash Muka 24 vjeç, i cili ishte në ndjekje për një sherr që kishte kryer para 6 muajsh, nuk i është bindur urdhrit të bluve për të ndaluar dhe në ndjekje nga policia është aksidentuar. Shoferi ka lënë makinën dhe është larguar, por është arrestuar pak metra më tutje nga forcat “Shqiponja”, bashkë me dy shokët që ndodheshin në makinë me të.
Mësohet se drejtuesi i mjetit Bektash Muka, rreth tre muaj më parë ka goditur një mjet të policisë që përdorej nga “Shqiponjat”, pasi këto të fundit i kanë bërë shenjë ndalimi, por edhe në atë rast përsëri është larguar.
BW/d.i.
