Demokrati Roland Bejko deklaroi mbrëmjen e djeshme në emisionin ‘Të paekspozuarit’ se ajo që pret tani është gjetja e një gjuhe dialogu mes Berishës dhe Bashës sepse në të kundërt rrezikohet një çarje në PD.
Më tej ai ka cilësuar këtë si luftë për pushtet, ku Berisha e konsideron veten Zot, dhe sipas tij me vendim e marrë nga Basha për këtë të fundit, ka dashur të tregojë se dhe ai është një Zot, sepse deri tani ka qenë “Zot i butë, i qullët”.
Ndër të tjera ai ka sqaruar se Doktori dhe Basha i kanë marrë vendimet bashkë.
“Pres të gjendet dialogu mes Bashën dhe Berishës, sado të ndërhyjnë amerikanët PD rrezikon ndarjen. Ndërsa Berisha e ka parë veten si Zot në PD dhe nuk e ndan dot, e ka ADN, gjak, mendoj se Berisha e trajton veten të tillë, Zotët janë të pamëshirshëm, të njëjtën gjë do bëj dhe Basha sot të duket si Zot. Deri tani Basha ka qenë Zot i butë, i qullët. Problemi është si e pash unë bazën, ka shumë konspiracion dhe komentet ishin që kjo është një punë e Sorosit dhe prandaj e hoqën doktorin se duan të heqin Bashën. Por kjo është luftë e pasur për pushtet sepse nuk e pranon Berisha. Do shkoja me Berishën nëse nuk do ishte ‘non grata’ dhe ditën që humbën zgjedhjen do kishte deklaruar Basha stop nuk do bëhet zgjedhja për kryetar. Berisha i ka marrë vendimet për përjashtim nga grupi me një të rënë të lapsit. Doktori dhe Basha i kanë marrë vendimet bashkë. Deputetët e tanishëm i kanë nxjerr bashkë. Basha s’merr dot vendime pa Berishën.”, tha Bejko.
