Anëtari i Këshillit Kombëtar të PD-së, Roland Bejko bën fajtor ish-kryeministrin Sali Berisha për pozitat e Partisë Demokratike në ditët e sotme.
I ftuar në Spotlight nga Alban Dudushi, në Vizion Plus, Bejko shprehet se Berisha ka plot të drejtë të merret me politikë, por problem i vetëm është se ai është shpallur ‘Non-Grata’. Një problem ky tashmë jo vetëm i Berishës, por që përfshin dhe PD-në, çka mund të ishte shmangur, sipas tij.
“Problemi është që z.Berisha ishte shpallur ‘Non-Grata’, e dinim reperkusionin që do të merrnin SHBA-të, në rast se z.Berisha do të vazhdonte të qëndronte me të. I njëjti status brenda Partisë Demokratike dhe ata e njoftuan këtë gjë dhe z.Berisha duhet të ishte tërhequr me qëllim që mos e involvonte, mos e fuste sherrin brenda Partisë Demokratike. Sot, jemi tek fakti që z.Berisha i duhet një parti. Ai nuk e konsideron z.Basha kryetar partie. Kryesinë e partisë njoftoi që nuk e njeh fare. Domethënë ai thotë ‘Unë jam partia, partia ka lindur me mua, do të vdesë me mua.’”
g.kosovari
