David Beckham mendon se Manchester Unitedi do ta fitojë Premierligën në sezonin 2016/17
Ish ylli i Manchester Unitedit e Real Madridit, David Beckham, ka dhënë mendimin e tij për fituesin e Premierligës në sezonin që po vjen.
Legjenda e futbollit anglez, mendon se ‘Djajtë e Kuq’ do të triumfojnë këtë sezon, kjo për shkak të trajnerit të ri, Jose Mourinhos.
“Them se Manchester United do ta fitojë trofeun edhe pse dihet që jam tifoz i tyre”, tha Beckham.
“Me Mourinhon ekipi do të ndryshojë, pasi që ai e di se çfarë dëshiron dhe këtë e transmeton shumë mirë te lojtarët. Me të United do të kthehet sërish në majë të futbollit anglez e Evropian”, ka shtuar Bechkam.
Premierliga pritet të jetë e zjarrtë këtë edicion, pasi gjithashtu edhe Guardiola, Conte e Klopp janë duke krijuar skuadra kompetitive, citohet “Express”. (b.an)
