Bashkimi Europian i sjell Shqipërisë 20 mijë teste për koronavirusin, lajm i cili është bërë publik nga ambasadori Luigi Soreca.
“Donacioni i BE për materiale kontrolli për COVID-19 është gjatë rrugës. 20 mijë teste do t’i vihen në dispozicion Institutin e Pajisjeve të Shëndetit Publik në Tiranë. Sa më të besueshme janë testet, aq më efektive është lufta! BE qëndron pranë Shqipërisë”, shkruan Soreca.
Ky lajm është përshëndetur nga kryedemokrati Lulzim Basha, i cili thotë se vetëm rritja e numrit të testimeve, frenon përhapjen e virusit.
“Faleminderit BE për ndihmën e çmuar për Shqipërinë. Vetëm rritja e numrit të testimeve mundëson identifikimin real të të prekurve dhe frenimin e përhapjes së virusit. Izolimi i qytetarëve dhe bllokimi i ekonomisë na kushton më shumë se rritja e numrit të testimeve”, shkruan Basha.
/a.r
