Për here të parë Bashkimi Europian jo vetëm nuk vë alarmin kur flitet për ndryshim kufijsh, por madje as nuk e qorton Hashim Thaçin për deklaratën e tij të guximshme. Në përgjigje të interesimit te Vizion Plus, Brukseli duket i gatshëm te pranoje nje marrëveshje per te cilen palet do te pajtohen. Vizion Plus e pyeti Maja Kocijancic, zedhenese e përfaqësuese për politiken e Jashtme Federika Mogherini, se cili eshte qëndrimi i BE per propozimin e Thaçit dhe mori kete përgjigje:
“Gjate dialogut te thirrur nga perfaqesuesja e nivelit te larte Federika Mogherini ne 24 qershor 2018 kryetaret Thaçi dhe Vuçiç zhvilluan nje diskutim inetnsiv dhe produktiv ne kuadrin e nje marrëveshjeje per normalizimin e plote te marredhenieve. Ata rane dakord te intensifikojnë punen ne javet e ardhshme. Ne takimin e fundit te dialogut ku perfaqesuesja e larte priti te dy presidentet me 18 korrik, ata rishikuan perparimin e arritur dhe rane dakord te takohen serish ne fillim te shtatorit.”
Vizion Plus e pyeti zëdhënësen Kocijancic ishte se nese nje hap i tille a ndodh te rrezikohet stabiliteti i Ballkanit perëndimor ?
“Dialogu i lehtësuar nga Bashkimi Europian ka per qellim nxitjen e bashkëpunimit te qëndrueshëm ndërmjet te dyja palëve qe i ndihmon te arrijne përparim ne rrugen drejt Europes dhe te permiresojne jeten e njerëzve. Nje zgjidhje e qëndrueshme nënkupton nje zgjidhje realiste bazuar ne te drejten ndërkombëtare. Palet po përcaktojnë bazën per pajtim te përbashkët.”
Nuk dihet se cfare rishikuan dy presidentet ne takimin e fundit ne Bruksel ne prani edhe te shefes se politikes se jashtme Mogherini. Por pas 18 korrikut Hashim Thaçi filloi te artikulonte tezen e korrigjimit te kufijve dhe bashkimit te Preshevës, Medvegjes e Bujanovcit me Kosovën, teze per te cilën eshte shprehur se do te vere ne tryezën e bisedimeve ne fillim te shtatorit. (Vizion Plus)
