Komisioni Evropian do të paraqesë sot një sërë idesh për të ndihmuar në mbrojtjen e familjeve dhe bizneseve kundër rritjes së shpejtë të çmimeve të energjisë.
Qëllimi është t’u sigurojë shteteve anëtare mjete efektive që nuk shkelin rregullat strikte të konkurrencës së Bashkimit Evropian.
Për shembull, Franca ka premtuar një tavan tarifor dhe planifikon t’u ofrojë familjeve më të varfra 100 euro (115 dollarë).
Italia dëshiron të sigurojë lehtësim përmes uljes së taksave.
Përveç kësaj, vende si Spanja, Franca dhe Greqia kanë bërë thirrje për masa më gjithëpërfshirëse në nivel evropian.
Ndër të tjera, ato duan të koordinojnë blerjet e gazit, të krijojnë rezerva të përbashkëta të gazit dhe të shkëputin çmimin e energjisë elektrike dhe gazit.
”Negociatat konkrete për këtë çështje do të zhvillohen në samitin e BE-së përgjatë 21-22 tetorit”, tha presidentja e Komisionit Ursula von der Leyen.
/a.r
