Bashkimi Evropian ka vendosur të dërgojë më shumë se 400 roja kufitare brenda një jave për të ndihmuar në përballjen me krizën me migrantë në Ballkanin perëndimor, thuhet në një draft-deklaratë që do të shqyrtohet më vonë gjatë ditës së sotme nga liderë nga Evropa qendrore dhe ajo lindore.
Draft-deklarata, të cilën e ka parë Reuters, thekson gjithashtu se BE do të provojë të përshpejtojë riatdhesimin e afganëve, irakianëve dhe migrantëve të kombësive tjera aziatike nëse u refuzohet azili, transmeton Koha.net.
“Përkushtohemi për një rritje të menjëhershme të përpjekjeve tona për të menaxhuar kufijtë tanë”, thuhet në këtë draft të parë nga Reuters, ku gjithashtu detajohen edhe intensifikimet e përpjekjeve të forcave bregdetare jashtë Greqisë.
