Liderët e BE pas katër ditësh bisedime kanë arritur marrëveshjen për paketën e rimbëkëmbjes së ekonomisë pas pandemisë së COVID-19.
Sipas Reuters, bëhet me dije se 27 vendet e BE do të ofrojnë 750 miliard € në grante dhe kredi për të rimëkëmbur ekonominë që është futur në krizë të thellë nga pandemia.
Kryetari i Samitit, i cili është dhe kreu i Këshillit Evropian, Charles Michel, pas arritjes së marrëveshjes u shpreh se ky është një moment shumë i rëndësishëm për Evropën. Ndërkohë ka reaguar dhe Presidentja e Komisionit Evropian, Ursula von der Leyen, e cila shprehet se tani duhet të fitohet mbështetja e PE.
“Sot kemi ndërmarrë një hap historik, të gjithë mund të jemi krenarë. Por mbeten hapa të tjerë të rëndësishëm. E para dhe më e rëndësishmja: të fitojmë mbështetjen e Parlamentit Evropian. Është e zakonshme përgjegjësinë për të ofruar”, shkruan von der Leyen.
Presidenti i Francës, Emmanuel Macron, e cilësoi ‘ditë historike’ arritjen e kësaj marrëveshjeje, ndonëse akoma nuk janë bërë publike detajet.
Marrëveshja përqendrohet në një program prej 390 miliardë dollarësh për shtetet anëtare të goditura më rëndë nga pandemia. Samiti, i cili filloi në Bruksel të Premten dhe pati më shumë se 90 orë bisedime ishte parashikuar 2 ditë, por që zgjatiën 4 ditë. Tashmë paketa financiare ka nevojë dhe për ratifikim nga Parlamenti Evropian.
Shtetet anëtare u ndanë kryesisht midis atyre që u goditën më shumë nga pandemia, dhe ato të shqetësuara për kostot e planit të rimëkëmbjes.
Përparimi erdhi pasi Presidenti i Këshillit të BE-së, Charles Michel, paraqiti një propozim të ri, i cili zvogëlon sasinë e parave në dispozicion si grante në krahasim me kreditë.
Michel propozoi që brenda fondit 750 miliardë euro, 390 miliardë duhet të ishin grante të pakthyeshme, nga 500 miliardë propozuar fillimisht, dhe pjesa tjetër në kredi të ripagueshme.
g.kosovari
