Burime të mirëinformuara nga Shkupi bëjnë me dije se Partia shqiptare Bashkimi Demokratik për Integrim (BDI) do të dalë nga koalicioni qeverisës në Maqedoni.
Lajmin e ka konfirmuar edhe ueb-faqja shqiptare në Tetovë “Tetova1”. Arsyet përveç ngjarjeve të fundit të Kumanovës janë se Ali Ahmeti është bindur që nuk mundet të bashkëqeveriste me Gruevskin pas publikimit të përgjimeve nga opozita për aferat e qeverisë, por edhe fyerjet e zyrtarëve të lartë të qeverisë ndaj shqiptarëve.
Kurse konflikti i armatosur në Kumanovë është një tjetër arsye që mund ta shtyjë Ahmetin të “divorcohet” nga Gruevski. Kjo do të sillte edhe rrëzimin e qeverisë së Gruevskit të mbetur pa mbështetje dhe do ta fuste vendin në zgjedhje të parakohshme, ndërsa vendi do të qeveriset nga një qeveri teknike deri në zgjedhjen e tjetrës.
