Bayern Munchen i ka surprizuar të gjithë tifozët me vendimin e fundit. Klubi gjerman ka vendosur t’i besojë trajnerin Hansi Flick deri në fund të sezonit. Ekipi kampion i Gjermanisë do t’i besojë zëvendësit të Niko Kovac pas rezultateve të marra nën drejtimin e tij.
Konfirmimin për të ardhmen e trajnerit e ka bërë të ditur Karl-Heinz Rummenigge dhe drejtori sportiv, Hasan Salihamidzic. Të dy kanë pranuar se Flick do të drejtojë kampionët deri në fund të sezonit aktual.
“Bayern është i lumtur me punën e Hansi Flick. Si trajner, por dhe si drejtues ka zhvilluar ekipin dhe i ka plotësuar objektivat tona. Kemi fituar 6 ndeshje në 6 në grupin e Champions, duke vendosur një rekord të ri në historinë tonë të Champions League.
“Në kampionat jemi afruar me kreun e renditjes. Jam i bindur se Bayerni do të vazhdojë në rrugën e duhur nën drejtimin e Flick”, – tha ai. /e.s/
