Bayern Munchen planifikon një goditje të madhe. Në shënjestrën e kampionëve të Gjermanisë është vendosur bomberi i Tottenhamit, Harry Kane. Lajmin e bën të ditur tabloidi britanik “The Sun” që thekson se sulmuesi anglez është futur në listën e drejtorit sportiv, Matias Sammer, i cili ka nisur ta vëzhgojë që prej disa javësh. “The Sun” thekson se agjentët e klubit gjerman e kanë ndjekur nga afër njeriun e momentit te “Gjelat” e Londrës, i cili po tregon një formë të shkëlqyer edhe gjatë këtij sezoni. Në këtë mënyrë, Bayerni planifikon të bëjë një ofertë tunduese për klubin anglez.
50 milionë sterlina premton Sammer pasi edhe vetë Pep Guardiola ka ndezur dritën jeshile të këtij operacioni, pavarësisht pranisë së Robert Lewandowskit në organikën e skuadrës. Polaku po shënon me një vazhdimësi të frikshme në radhët e bavarezëve duke u konfirmuar qëndërsulmuesi kryesor në “Allianz Arena” por beteja e Bayernit në tre fronte e detyron klubin të mendojë edhe për një alternativë të dytë dhe 22-vjeçari është emri që josh më shumë. I huazuar për dy sezone te Leicester City, Keane u rikthye në “White Hart Leane” dy vite më parë dhe sezonin e shkuar e mbylli me 31 gola të shënuar në 34 ndeshje të luajtura. Me Kombëtaren e Anglisë ai ka luajtur 6 ndeshje duke arritur të realizojë edhe 3 gola.
SUPERSPORT
