Drejtuesit e Bayern Munichut pritet të bëjnë investime të mëdha në skuadër gjatë verës, në mënyrë që të jenë konkurrentë të fortë edhe në Evropë.
Sipas gazetës gjermane, Bild, skuadra nga Allianz Arena është e gatshme të shpenzojë 120 milionë euro për transferimin e dy yjeve.
Fjala është për Marco Verrattin (Paris Saint-Germain F.C.) dhe Alexis Sanchezin (Arsenal).
Verratti nuk është i lumtur në Francë dhe gjatë verës pritet të gjejë një ekip të ri. Sipas Bild, marrëdhëniet e mira të Ancelottit me Verrattin pritet ta bindin lojtarin që të transferohet në Gjermani për 60 milionë euro.
Kurse, edhe Sanchez pritet të largohet nga Arsenali pasi nuk është i lumtur në Emirates. Sikurse për Verrattin, edhe për Sanchezin gjiganti gjerman është i gatshëm të shpenzojë 60 milionë euro.
Por, përveç Bayern Munichut, Verratti dhe Sanchez kërkohen edhe nga skuadra të tjera evropiane. /a.m.
