Kryeministri Edi Rama ndau me qytetarët përmes rubrikës “Sy m’Sy” se kishte ndjekur disa sekuenca diskutimesh në studio televizive sa i takon zgjedhjeve të 11 Majit. Këshilltarin amerikan të PD-së Chris LaCivita, e quajti “sondazhisti i Donald Trump”. Përpos kësaj, u shpreh i revoltuar me mënyrën se si gjërat që thotë transformohen dhe interpretohen. Referuar kështu, batutave që bëri në Spille lidhur me “fotot e tij nudo”, që u pasuan me një sërë reagimesh të ashpra.
“Pas ca vitesh kandidoj për t’u ribërë kryetar bashkie dhe këta të kënetës sesi e qysh po është histori e gjatë, i gjejnë këto foto e mia cullak dhe më çojnë dhe telefonata anonime që tërhiqu se do të turpërojmë unë thosha ç’a do më bëjnë se s’më shkonte mendja. Më thoshin tërhiqu se do bëhesh gazi i botës. I keni në Google po të jeni kuriozë, sa keni pa ju…”, tha Rama dje gjatë takimit elektoral.
Ndërsa këtë të Martë, iu drejtua atyre që i konsideron “zhabulanë” kështu:
Këta zhabulanët që bëjnë dhe moralistin dhe na tregojnë se çfarë është familja. E para njëherë në Google janë të mbuluara, e dyta nuk ishin fëmijë ata. Mirë po si ka mundësi që më bëjnë mua moral këta që çdo ditë u tregojnë fëmijëve, familjeve, shqiptarëve se si nuk duhet të silet njeriu, me akuza, shpifje, sharje ekstreme. Zi në katër anët! Jam pa fjalë! Nuk kam më asnjë…
Ti je kry zhabulani,gjithmone i ke,te varura ne veshe theniet tuaja,i dine vete cfare ke thene,e ti dine gjithe shqiptaret.Gjithesesi kushe te voton ty,voton rrenat mashtrimet e vjedhjet galopante,ti je me mashtrues e ndytsire,si ortaku jote,monstra e vicidolit.