Gjatë konferencës për teknologjinë në zgjedhje, ambasadori amerikan Donald Lu ironizoi sot deputetët e PS për shkak të mungesës së tyre duke u shprehur se janë ende në krevat.
“Më lejoni të falënderoj opozitën që iu bashkua kësaj konference, në një numër të madh. Dhe më lejoni të pyes se çfarë ndodhi me mazhorancën. Mund të shoh 2 ose 3 anëtar të mazhorancës dhe shpresoj që zoti Çuçi do të shpjegoi se pse të tjerët janë ende në shtrat sot. Unë do të thoja që kjo ngre pyetjen nëse mazhoranca e ka marr seriozisht çështjen e votimit elektronik. Bini dakord apo jo me përdorimin e teknologjisë, e rëndësishme është që të dyja, si mazhoranca dhe opozita të jenë pjesë e këtij diskutimi”, ishte ironia e Lu.
Por bashkëkryetari socialist i Komisionit për Reformën Zgjedhore, Bledi Çuçi iu përgjigj gjithashtu përmes ironisë ambasadorit Donald Lu.
“Mos të dyshojë në asnjë moment për seriozitetin e Partisë Socialiste, sepse në salle janë 7 të komisionit ad hoc të reformës territoriale. Madje, me standardin e opozitës, duke ju pasur juve në krah, bëhemi 8”, tha Çuçi. /b.d
