Kryeministri Edi Rama nuk ka mundur t’i rezistojë tundimit për të bërë një batutë me një vajzë gjermane, e cila ishte dhe pjesë e panelit të folësve, në inagurimin e nënstacionit të Babicës në Vlorë. Duke ju drejtuar asaj në fund të fjalë së tij, Rama bëri shaka duke thënë se tashmë ajo e kishte gjetur inxhinierin e saj shqiptar dhe ishte martuar me të, por, nga ana tjetër, do donte që si gjermane, ajo të sillte shoqet e veta që ato të martoheshin me të tjerë inxhinierë shqiptarë.
“Padyshim jam i bindur do mund të marrim edhe shumë nuse të tjera nga Gjermania falë të gjitha atyre që i përshkroi mrekullisht nusja jonë më e re dhe padyshim falë faktit që përvec natyrës, klimës, energjive dhe gjithë atyre gjërave që tek shqiptarët i tërheqin gjermanët, dhe vajzat gjermane do gjenden edhe të tjerë si inxhinieri yt i mrekullueshëm që të siguroj që s’është i vetmi megjithëse ti pate fatin që e gjete, po si ai kemi dhe shumë të tjerë, kështu që shpresoj të rikthehesh prapë në Shqipëri me shoqe të pamartuara dhe inxhinieri të bëjë prezantimet e duhura me shokët e tij të pamartuar”.
