Kryeministri Edi Rama ka marrë pjesë sot në një konferencë të zhvilluar në Shtëpinë e Europës, e cila organizohej nga Këshilli i Bashkëpunimit Rajonal dhe Forumi Ekonomik Botëror.
Në takim merrte pjesë dhe kryetarja e Këshillit të Bashkëpunimit Rajonal, Majlinda Bregu, ku Rama nuk la pa e përmendur.
Në fund të takimit, kreu i qeverisë tha se Bregu është armike, por sot ka ardhur si mike.
“Faleminderit shumë zonja armike që ke ardhur këtu si mike. Të gjithë armiqtë e mëparshëm mund të kujtojnë të shkuarën, por duhet të mendojnë për të ardhmen”, u shpreh Rama.
Pas largimit të Ramës, mësohet se organizatorët në aktivitet kanë provokuar Bregun duke i thënë asaj të ulet në karrigen e lënë bosh nga kryeministri Rama.
Përgjigjja e Bregut ka qenë një batutë që i adresohet ish-kryetarit të saj Lulzim Basha.
“Dakord, mundem ta bëj, por nuk më pëlqen e se kam zakon të marr karrigen e të tjerëve edhe kur ajo është bosh. Mua më pëlqen të luftoj vetë për karrigen”, ka thënë Bregu.
g.kosovari
