Baton Haxhiu duke folur në Open për arsyet se pse presidenti Meta duhet të japë dorëheqjen, tha se këto kohë ai kishte analizuar rrjetet sociale të tij dhe tha:
“Kam dalë në përfundimin se Meta ka më shumë foto me qenë e mace se me zyrtarë”.
Sipas tij, ky nuk është itenerari që një president duhet të ndjekë.
Haxhiu tha se Meta pas 13 tetorit nuk ka më fuqi politike për të qenë në detyrë.
“Tani çështja është a do mbahen zgjedhjet, e pastaj nëse dorëheqja do jetë morale apo për shkelje kushtetute.
Meta pas datës 13 tetor nuk ka më fuqi politike për të qenë në detyrë.
Me gabimet e tij dekreton dhe çdekreton pa arsye data zgjedhjesh nuk mund të rrijë më në detyrë.
Ka qenë president i keq, ka pasur probleme serioze në 7 mujorin e fundit” tha ai.
Ndërsa analisti Andi Bushati, duke iu përgjigjur pyetjes nëse Meta duhet të japë dorëheqjen apo jo, tha:
‘Ç’kuptim ka të rrijë në detyrë po nuk e përfilli njeri 13 tetorin, çkuptim ka të rrijë kur nuk ia përfilli njeri 30 qershorin?”
“Është një kukull qeshrake e një regjimi që ka kap çdo gjë tjetër.
E pengon dot Meta vjedhjen e zgjedhjeve etj etj…
Ai nuk e ka më luksin të bëjë rolin e presidenti të një republike normale”, tha Bushati më tej.
