E gjithë industria e basteve është më e madhe se buxheti i bashkisë së Tiranës.
Kështu u shpreh kryetari i bashkisë së Tiranës, Erion Veliaj gjatë prezantimit të buxhetit të 2019 në Njësinë nr. 4 në Tiranë, ndërsa theksoi se kjo industri është përqendruar në duart e katër apo pesë të fortëve në kryeqytet.
“Është ndalimi me ligj i pikave të basteve në Tiranë.
Edhe ju pak burrat që nuk duartrokitët sot, jam i sigurt që do të duartrokisni edhe ju, kur të kaloni më shumë kohë me familjen dhe të çoni më shumë para në familje.
Bastet janë në 4-5 duar lacash që marrin lekët e basteve, ama kalkulimet thonë se e gjithë industria është më e madhe se buxheti i bashkisë së Tiranës
. Është shumë e rëndësishme të kuptojmë dhe të mbështesim nismën për mbylljen e pikave të basteve dhe më 1 janar të mos ketë më”, – tha Veliaj ndër të tjera.
/b.d
