Bashkimi Europian ka rihapur ambasadën e saj në kryeqytetin ukrainas të Kievit pas zhvendosjes së saj të përkohshme në Poloni, që pas nisjes së pushtimit rus në Ukrainë.
Shefi i politikës së jashtme të BE-së Josep Borrell njoftoi planet gjatë një vizite në Ukrainë të premten.
Pasi foli me kryeministrin ukrainas Denys Shmyhal, Borrell tha se ranë dakord të përshpejtonin përgatitjet për Këshillin e ardhshëm të Asociimit BE-Ukrainë, që do të zhvillohet në një të ardhme të afërt.
Matti Maasikas, kreu i delegacionit të BE-së në Ukrainë, postoi një foto më parë të flamurit të BE-së jashtë delegacionit në Kiev, duke sinjalizuar kthimin e misionit diplomatik.
Italia gjithashtu synon të rihapë ambasadën e saj në Kiev menjëherë pas Pashkëve, tha të shtunën Ministri i Jashtëm i saj Luigi Di Maio.
/b.h
