Policia e Vlorës ka ardhur me një tjetër reagim lidhur me ngjarjen të ndodhur pasditen e kësaj të diele, ku shtetasi Bashkim Durmishi u gjet i pajetë në banesën e tij në lagjen “10 Korrikut”, të qytetit bregdetar.
Me një njoftim zyrtar policia bën me dije se nga kqyrja e trupit të 68-vjeçarit nuk u konstatuan dëmtime trupore që të kenë sjellë vdekjen.
Paraprakisht, dyshohet për vdekje natyrale. Dëmtimi në fytyrë dyshohet të jetë shkaktuar nga një kafshë shtëpiake që viktima mbante në shtëpi.
Njoftimi i plotë:
Vlorë/Informacion në vijim
Në vijim të informacionit paraprak të dhënë më herët, lidhur me gjetjen pa shenja jete të shtetasit B. D., 68 vjeç, në banesën e tij në lagjen “10 Korriku”, Vlorë, ju informojmë se:
Nga këqyrja e trupit të shtetasit B. D, në morgun e Spitalit Rajonal Vlorë, nga grupi hetimor, në përbërje të të cilit ishin eksperti mjekoligjor dhe eksperti kriminalist, nuk u konstatuan dëmtime trupore që të kenë sjellë vdekjen.
Paraprakisht, dyshohet për vdekje natyrale. Dëmtimi në fytyrë dyshohet të jetë shkaktuar nga një kafshë shtëpiake që viktima mbante në shtëpi.
Kafsha shtëpiake u konstatua edhe nga shërbimet e policisë në momentin e mbërritjes në vendngjarje.
Vijojnë veprimet për zbardhjen e plotë të rrethanave të rastit.
