Mbi 1260 punonjës janë në terren duke ndihmuar situatën e keqe të shkaktuar nga reshjet e shumta, në shumë zona në Tiranë.
Kështu u shpreh nënkryetari i Bashkisë së Tiranës, Arbjan Mazniku, në një prononcim për median, duke nënvizuar situatën e vështirë dhe punën që po bëhet për t’i dhënë zgjidhje.
“Qytetarët duhet të shmangin lëvizjet pasi reshjet në orët në vijim do të kenë intesitet më të lartë. Janë 1260 punonjës të bashkisë që janë duke punuar në terren, si dhe administratorët të cilët janë në kontakt të drejtpërdrejtë me qytetarët, duke marë çdo problematikë të tyre në lidhje me situatën. Ne jemi në gatishmëri për çdo evakuim që mund të ketë nevojë ndonjë familje, pas 20 familjeve të evakuara”, nënvizoi Mazniku.
