Partia Socialiste e Prrenjasit ka reaguar ndaj kryebashkiakes së qytetit në fjalë pasi kjo e fundit komentoi fjalën e Edi Ramës sot. Kryeministri Rama e akuzoi Miranda Rirën e LSI-së për nepotizëm në administratë ndërsa tha se ka punësuar kushërinjtë e saj.
Por Rira reagoi duke deklaruar se ka një fis të madh dhe mund të qëllojë që në 230 punonjës të ketë edhe kushërinj të saj.
Ndërkohë, kandidati i PS Nuri Belba ka reaguar simëposhtë:
Miranda! Eshte e turpshme te flasesh per Edi Ramen ti qe ke pasur gjithe mbeshtetjen e tij per projektet e Prrenjasit. S’ta ka fajin as Edi Rama, as Taulant Balla, as Partia Socialiste, qe e ke bere bashkine si nje shans per gjithe fisin tend!
S’ta ka fajin Partia Socialiste, qe projektet e financuara nga Edi Rama, i ke zvarritur pafund ne tenderat qe i do per fisin tend! S’ta kane fajin as qytetaret e Prrenjasit, as socialistet e demokratet, qe te mos shohin ende asnje gozhde te ngulur nga ti, nderkohe qe prej muajsh tashme ke disa miliard leke investime te padisbursuara per projektin e rikualifikimit urban te qendres se qytetit, per shkollen 9-vjecare “Qybra Sokoli”, per ujesjellesin “Dritaj-Fanje-Karkavec” etj.
Ti e di shume mire qe nuk ke asnje shans t’i justifikosh duke e hedhur fajin jashte vetes! Per te qene krejt i ndershem me ty, edhe perpara qytetareve te Prrenjasit, ne do te kerkojme shkarkimin tend dhe te Altin Toskes ne Cerrik, per shkelje flagrante te Ligjit per Konfliktin e Interesit dhe kthimin institucionit te shtetit ne tepsi te pushtetit per fiset e tarafet tuaja.
