Llogaridhënia para banorëve të Njësisë Administrative Orenjë, Bashkia Librazhd edhe një herë solli në vëmendje çështjen e rëndësishme të Reformës në Drejtësi. Kryetari i Grupit Parlamentar Socialist Taulant Balla dhe Ministrja e Sipërmarrjes Sonila Qato informuan rreth mbarëvajtjes së këtij procesi i cili do të sjellë efekte pozitive për çdo qytetar.
“Një gjyqtar dhe një prokuror sot dolën përpara vettingut. Nëse do ta kalojnë apo jo, kjo është cështje e tyre, por e rëndësishme është që ne i qëndruam besnikë angazhimit që morëm para një viti që ne do ta cojmë vettingun deri në fund.
Efekti i parë i reformës në drejtësi është se sot nuk guxon më njeri të marrë para për të dhënë drejtësi.
E dyta është ajo që po luftojmë të gjithë, është hapja e negociatave. Ne do të kishim dashur që në këtë proces të kishim edhe opozitën për të lobuar së bashku për hapjen e negociatave.
Do të ishte që opozita të ishte me ne për të kërkuar hapjen e negociatave, sepse nga hapja e negociatave nuk përfiton PS, por përfitojnë shqiptarët” tha Balla.
Edhe Ministrja Qato në të njëjtën linjë theksoi rëndësinë e hapjes së negociatave dhe rolin e madh që ka pasur Reforma në Drejtësi në këtë drejtim:
“Dy arritjet kryesore të këtij mandati qeverisës, që vijnë si pasojë e një pune të mdhe gjatë mandatit të kaluar, është rekomandimi pozitiv për celjen e negociatave.
Ky rekomandim nuk do të kishte ardhur nëse mandatin e kaluar nuk do të kishte ndodhur i gjithë ai proces i Reformës në Drejtësi.
Nëse sot Europa dhe të gjitha shtetet anëtare nuk do të kishin parë se si do të jetësohej nga dita në ditë kjo Reformë në Drejtësi, duke cmontuar nga pallati i drejtësisë të gjitha ata që nuk kanë dhënë drejtësi në këto 25 vite demokraci, nuk do të kishin dhënë mendimine tyre pozitiv.”
Menjëherë hyri në rrugën e zgjidhjes shqetësimi kryesor i këtij komuniteti për mjekun që nuk paraqitej në punë. Balla deklaroi se shqetësimi iu përcoll menjëherë Ministres Manastirliu dhe se zgjidhja do të jepet që nesër në mëngjes. Një mjeke e re do të marrë detyrën për ta kryer me përpikmëri.
ma.me
