Aferat me presidentin autokrat të Maldiveve dhe me një biznesmen të akuzuar për korrupsion, trafik armësh e terrorizëm, po i hapin telashe, bashkëshortes së ish-kryeministrit britanik Tony Blair. E përditshmja britnaike Daily Mail shkruan se firma e Cherie Blair, Omnia Strategy rrezikon të bëhet objekt hetimi nga Zyra hetimore britanike për Mashtrimet e Rënda por edhe nga Qeveria amerikane.
Omnia Strategy e Cherie Blair, që në fakt trumpeton punën në mbështetje të të drejtave të njeriut, rezulton të ketë përfituar shuma të konsiderueshme parash nga presidenti autokrat i Maldiveve Abdullah Jamen. Omnia Strategy ka përfituar një kontratë pune 6 mijore me vlerë 420 mijë stërlina, për të përmirësuar imazhin e qeverisjes së presidentit të Maldiveve, me justifikimin e “përmirësuar transparencës dhe llogaridhënies në vend”.
Por në të vërtetë në perëndim, Abdullah Jamen shquhet për një qeverisje represive, për dhunën ndaj kundërshtarëve dhe shtypjen e mediave të lira. Pjesë e hetimeve mund të jetë edhe kontrata me vlerë 210 mijë stërlina me biznesmenin në kërkim nga Interpoli Mohamed Allam Latheef, i akuzuar për korrupsion, trafik armësh dhe terrorizëm dhe përvetësimin e më shumë se 30 milionë stëlinave nga paratë publike.
Ai ka qenë i përfshirë në transaksionet financiare me ish-drejtuesin e një kompanie turistike nga Maldivet, Abdullah Zijath. Ky i fundit dyshohet se ka bashkëpunuar me Latheef dhe është në gjyq i akuzuar për ideimin e vjedhjes së më shumë se 50 milioën stërlinave nga qeveria.
