Kate Ferdinand, e cila u martua me futbollistin e ve, Rio Ferdinand, ka pranuar se ka qarë çdo ditë për një vit rresht dhe ka treguar përpjekjet e saj për t’u bërë gruaja e përsosur dhe për t’u kujdesur për 3 fëmijët e tij.
Në një intervistë për revistën You, Kate ka rrëfyer “luftën” e saj të përditshme kur u transferua në vitin 2017 për të jetuar me futbollistin Ferdinand, dy vjet pas vdekjes së gruas së tij Rebecca.
“Asgjë në atë shtëpi nuk ishte e imja, të gjithë e quanin shtëpia e Rios. Të gjitha fotografitë ishin të Rebeccas dhe të fëmijëve. Unë nuk kisha vend aty”, thotë 28-vjeçarja duke pranuar se nuk ishte aspak e lehtë që të tre fëmijët e futbollistit ta pranonin atë si njerkën e tyre.
“Vazhdoja t’i bëja gjërat gabim. Harroja të vendosja gjërat e fiskulturës në çantën e shkollës ose kisha humbur emailin nga një prej mësuesve të fëmijëe. Më dukej sikur gjatë gjithë kohës po aktroja. Përpiqesha të buzëqeshja dhe të mësoja të gatuaja për të qenë gruaja perfekte. Kur gatuaja diçka, dikush thoshte që Rebecca nuk e bëri mirë. Dhe unë qeshja, por përbrenda isha e shkatërruar”, thotë ajo.
Rio dhe Kate u martuan Shtatorin e kaluar në një ceremoni të organizuar në një nga plazhet e Turqisë.
