Kryetarja e LSI është shprehur se nuk do ketë bashkëpunim me Sali Berishën pasi mendon se kanë qasje të ndryshme ideologjike.
“Ka një problem. E dini çfarë është grupi parlamentar? Një zyrë më shumë dhe një rrogë më e madhe për grupin parlamentar dhe një vend pune për një këshilltar që merr një rrogë. Nuk të pengon të dalësh të flasësh 10 minuta.
Bashkim forcash LSI me Sali Berishën? Jo. Absolutisht jo. Mendoj se zoti Berisha ka gjysmën e grupit parlamentar. Kemi këndvështrime të ndryshme programore dhe ideologjike.
Protesta e 8 janarit? Ajo e 8 janarit është më shumë show. LSI e ka personifikuar rinia. Protestat e rinisë kanë qenë më të bukurat në Shqipëri. Fokusi është te ringritja dhe ridimensionimi i shumë gjërave të programit tonë. Ka dhe një histori të vërtetë në bojkotin e zgjedhjeve. Vramë ndjenjën e opozitarizmit. Do të duhet shumë kohë që njerëzit që kanë qenë në protestat t’u rikthejmë shpresën”, tha Kryemadhi.
/b.h
