Presidenti rus, Vladimir Putin bëri sot thirrje për rivendosje të dialogut mes shërbimeve sekrete ruse dhe amerikane.
«Në nivelin më të lartë duhet të angazhohemi për bashkëpunimin në fushën e antiterrorizmit me partnerët tanë të huaj », deklaroi ai gjatë një ceremonie në prani të zyrtarëve të shërbimeve sekrete ruse (FSB), duke shtuar se aspironte rivendosjen e dialogut me shërbimet sekrete të SHBA-së dhe vendeve të tjera të NATO-s.
«Nuk është aspak gabimi ynë për ndërprerjen e dialogut dhe mosvijimin e mëtejshëm », saktësoi presidenti rus duke shtuar se është e dukshme se ne planin e luftës kundër terrorizmit, të gjitha qeveritë dhe organizatat ndërkombëtare duhet të bashkëpunojnë.
Duke përgëzuar shërbimet ruse të sigurisë, Vladimir Putin u shpreh se këta të fundit kishin frenuar në 2015, 45 krime terroriste duke përfshirë 15 sulme terroriste./b.d
