Pa asnjë njoftim zyrtar, Presidenti Sirian Bashar al-Assad ka zhvilluar një takim në Moskë me homologun e tij Vladimir Putin, në lidhje me situatën aktuale të luftës kundër terroristëve në Siri.
Zëdhënësi i Kremlinit Peskov bëri të ditur se diskutimet u fokusuan në planet që ka Damasku për trupat e saj ushtarake si dhe për vijimin e sulmeve ajrore të ndërmara nga Rusia.
Për Presidentin Sirian kjo ishte dhe vizita e parë e tij jashtë shtetit që pas nisjes së luftës civile në vitin 2011.
Sipas medias ruse Presidenti Putin besohet të ketë thënse se Rusia “po ofronte asistencë efektive” ndaj popullit sirian, i cili kishte mbetur “thuajse i vetëm, duke u rezistuar luftrave ndaj terrorizmit ndërkombëtar prej disa vitesh”.
“Ata kanë pësuar humbje të konsiderueshme, por së fundi kanë arritur të korrin rezultate pozitive në këtë luftë”, ka thënë Putin.
Presidenti sirian Assad ka falënderuar Rusinë që po qëndron “krah unitetit të Sirisë dhe pavarësisë së saj”, duke shtuar se rebelët mund të kishin grabitur më shumë territore, nëse Moska nuk do të kishte ndërhyrë.
