Kryetari i Partisë Demokratike Lulzim Basha ka patur një takim me Ministrin e Jashtëm Gjerman Steinmeier, e teksa kanë diskutuar për reformën në drejtësi, Basha i ka thënë këtij të fundit, se nëse do të ketë një “trafikim” të votave për miratimin e njëanshëm të reformës, atëherë demokratët do të djegin mandatet e tyre. Basha i ka thënë Steinemier se opozita kërkon as më pae as më shumë se zbatimin e rekomandimit 88 të Komisionit të Venecias.
“Edi Rama nuk ka demostruar vullnet për të pranuar zbatimin e rekomandimit 88 të Komisionit të Venecias mbi moskapjen politike të drejtësisë. Kryetari i Partisë Demokratike i bëri të ditur ministrit të jashtëm gjerman tentativën e Edi Ramës për të shantazhuar dhe blerë vota nga deputetët e opozitës për miratimin në mënyrë të njëanshem të reformës në drejtësi. Kjo, theksoi kreu i PD do të jetë fundi i këtij parlamenti. Zoti Basha rikonfirmoi para ministrit të Jashëm gjerman qëndrimin e bërë publik se, nëse trafikohet qoftë edhe një mandat i opozitës atëherë opozita do të djegë mandatet dhe do t’i drejtohet qytetarëve.”- shkruhet në njoftimin e PD-së.
Një tjetër çështje e diskutuar ka qenë ajo e reformës zgjedhore, ku kryedemokrati ka bërë edhe njëherë publik qëndrimin e tij përpara Steinmeier, për të patur një votim elektronik në zgjedhjet e ardhshme.
Diskutime me kryediplomatin e gjermanisë ka patur edhe për sistemin e gjyqësorit, dhe presionin që ka ushtruar Kryeministri ndaj saj, sipas Bashës.
“Kreu i Partisë Demokratike e njohu ministrin e Jashëtm gjerman me presionin e jashtëzakonshëm që Kryeministri Edi Rama ushtron ndaj gjyqësorit. Këtë e dëshmon ndër të tjera rasti I ish- deputetit Kokëdhima, i cili kishte përfituar në kundërshtim me ligjin fonde publike”- shkruhet në njoftimin e PD./ java/ a.k
