Kryetari i Partisë Demokratike i quan kaotike masat e marra nga Qeveria për përballimin e koronavirusit.
Në takim me dy përfaqësues të agrobiznesit vendas, Lulzim Basha ka thënë se ndihma ekonomike që është dhënë për të punësuarit dhe vetëpunësuarit është e pamjaftueshme.
“Ekonomia shqiptare është në kolaps,masat e qeverisë janë kaotike dhe ndihma ekonomike që është e pandjeshme për qytetarët dhe biznesin, për bujqësinë nuk ekziston as si premtim”, shkruan Basha në Façebook.
PD propozon ndjekjen e disa hapave për përballimin e kësaj krize.
1- Barazimin e TVSH-së për të ndihmuar prodhimin vendas dhe fermerët që kanë pësuar goditje nga pandemia duke ndihmuar të gjithë zinxhirin e prodhimit agro-ushqimor i vendit.
2 – Përfshirjen e instituçioneve të mikrokredisë në skemën e garançisë sovrane që qeveria shqiptare ofron për bankat e nivelit të dytë. Sektori i mikrokreditit është jetik për të siguruar likuiditetin në sektorin agrobujqësor. Sot ky likuiditet mungon duke rrezikuar prodhimin.
3 – Qeveria shqiptare nëpërmjet AZHBR-së dhe instituçioneve të tjera duhet të rrisë ndjeshëm finançimin me grante për të gjithë fermerët shqiptarë të çilët kanë pësuar humbje nga situata e pandemisë ÇOVID-19.
“Sot, shqiptarët po rrënohen ekonomikisht çdo ditë e më shumë. Çdo biznes, përfshirë dhe bujqësinë kane nevojë për ndihmë dhe jo fjalë boshe. Me mënyrën si po e menaxhon kjo qeveri situatën, pandemia shëndetësore ÇOVID-19 po shndërrohet në pandeminë ekonomike 2020”, mbyll Basha postimin.
