Kryedemokrati Lulzim Basha ka zhvilluar mëngjesin e sotëm një takim me ambasadorët e huaj në vendin tonë.
Mësohet se në takimin ku kryefjalë ishte Reforma Zgjedhore, ishin të pranishëm ambasadori i BE Luigi Soreca si dhe përfaqësues diplomatikë të disa vendeve të tjera të BE.
Ndërkohë, ambasadorja e SHBA Yuri Kim ka zgjedhur të çojë në takim të ngarkuarën me punë, Leyla Moses Ones.
Kryedemokrati shoqërohej nga përfaqësuesi i PD në tryezën e Këshillit politik për ‘Zgjedhoren’ Oerd Bylykbashi, sekretari i Përgjithshëm i PD Gazment Bardhi, si dhe ish-deputetët Jorida Tabaku dhe Enkelejd Alibeaj.
Palët arritën një marrëveshje në 14 janar,ku për herë të palë u ulën në një tryezë politike për herë të parë me praninë e të gjitha palëve me kërkesën e opozitës së bashkuar për të dalë në një draft përfundimtar i cili të miratohet pa asnjë ndryshim dhe me konsensus të plotë në seancë pleanare në Kuvend jo më vonë se 15 marsi.
/a.r
