Kreu i PD-së, Lulzim Basha duke akuzuar kryeministrin Rama dhe ministrin e Brendshëm Tahiri për situatën alarmante në vend e për krimin që po shkakton përditë kultivimi i hashashit ka thënë se të gjitha denoncimet e opozitës që pushteti i mohon, po provohen përditë.
Statusi i Bashës
PD denoncoi se në Shqipëri ka hyrë fara vietnameze e kanabisit. Rama e mohoi, por Guardia di Finanza konfirmoi se 70% e bimës ishte e tillë.
PD denoncoi ngjarjen në Shengjergj si vrasje për drogën. Rama-Tahiri e mohuan, e paraqiten si vetvrasje, por doli ekzekutim, dhe prokuroria po heton.
PD denoncoi tre ditë më parë se në zonën e Tapizës trafikantët marrin gra e fëmijë, i cojnë për të punuar kanabisin.
Rama-Tahiri e mohuan, por dje janë ndaluar 5 vetë që i dërgonin gratë me furgona në Malësitë e Krujës për të punuar kanabisin.
