Kryetari i Partisë Demokratike u bëri thirrje shqiptarëve të ngrihen masivisht nesër e të protestojnë para Parlamentit, pa dallim politik.
“Ta largojmë këtë qeveri, të krijojmë një qeveri teknike, e pastaj le të votojmë secili për forcën që dëshiron”, tha Basha.
Kryetari i PD-së siguroi se mendon vetëm për të mirën e popullit.
“Interesi im si kryetar i opozitës është përparimi, stabiliteti, mirëqenia e qytetarëve. Edhe kur këto i realizon një parti kundërshtare, ka gjithmonë vend për përmirësim”, tha Basha.
“Katastrofa nën drejtimin e qeverisë Rama-Meta nuk është një parashikim i largët i yni, por një realitet”, shtoi Basha.
