Teksa Lulzim Basha ka dalë LIVE në televizione, në mbështetje të protestës te Teatri, Partia Demokratike ka shpërndarë një njoftim.
Bëhet fjalë për një takim që Basha ka zhvilluar në Qarkun Dibër, që selia blu ka zgjedhur ta shpërndajë si lajm pikërisht sot, shkruan JavaNews.al
“Lideri i opozitës Lulzim Basha deklaroi në Dibër se për vendin është jetik ndalimi i projektit të Edi Ramës për shpopullimin e Shqipërisë.” – thuhet në njoftim.
“Sot kriza ekonomike është problem numër një për çdo familje shqiptare, ndaj dhe prioriteti numër 1 për ne demokratët është t’i japim zgjidhje problemeve jetike për çdo shqiptar.
Ta bëjmë këtë një orë e më parë dhe të ndalim zbrazjen e vendit, spastrimin e Shqipërisë nga shqiptarët e ndershëm, projektin më të zi të Edi Ramës.”– citon selia blu kryetarin e saj.
/javanews/a.r
