Basha sherr me Ristanin, Bregun dhe Nokën: Berisha do ju quante sabotatorë
Kreu i PD-së Lulzim Basha, debatoi ashpër dje me disa nga deputetët e grupit parlamentar. Në një mbledhje të thirrur prej tij me kryesinë e grupit, situata percipitoi mes toneve të larta për disa nga deputetët. Mbledhja e thirrur në orën 09.00 të mëngjesit në selinë e PDsë nisi rreth orës 11.00.
Kryetari Basha ka qenë në zyrën e tij, ndërsa deputetët në sallën e mbledhjeve. Nuk dihet për çfarë arsyeje u zgjat takimi, por ai i ka lënë deputetët në pritje të gjatë. E para që është larguar nga mbledhja ishte deputetja demokrate, Majlinda Bregu. Burimet thanë se ajo ka lajmëruar kolegët për ikjen, pasi pritja zgjati tepër dhe ajo kishte një takim me ambasadorë për çështje të ndjeshme të situatës së Shqipërisë në raport me BE-në. Ky ishte një nga momentet që shkaktoi ilaritet kur filloi mbledhja, teksa mësohet se kryetari i PD-së, Basha ka thënë: “Kush është kjo zonjë që guxon të ikë e të lërë një mbledhje të rëndësishme të kryesisë së grupit parlamentar me kryetarin?”
E pas kësaj, sigurisht në epiqendër të kritikave ishin ata që erdhën me vonesë në mbledhje. I pari Arben Ristani, nënkryetari i PD-së dhe pas tij, deputeti, Flamur Noka. Teksa Basha priste që ish-ministri të vinte në mbledhje, u tha të tjerëve: “Nëse në vendin ku jam unë do të ishte paraardhësi im, këtë do e quante sabotim”, – iu drejtua deputetëve, fjali e cila solli diskutime postmbledhje mes përfaqësuesve të PDsë në Kuvendin e Shqipërisë/GSH
