Humbja e thellë në zgjedhjet lokale të 14 majit ka përçarë edhe më shumë Partisë Demokratike, ndërsa vijon të mbetet pa kryetar pasi kreu i komanduar Enkelejd Albeaj dha dorëheqjen nga ky post.
Por në skenën politike të PD-së duket se po rikthehet sërish ish-kryedemokrati Lulzim Basha, i cili për një kohë të gjatë ka qëndruar i distancuar ndaj zhvillimeve politike brenda PD-së.
Burime për Report Tv bëjnë me dije se Lulzim Basha do të zhvillojë një takim me të rinj në një hotel në Tiranë. Megjithatë mbetet për tu parë çfarë zgjedhje do të gjendet për situatën brenda PD-së.
Kujtojmë se edhe gjatë fushatës për zgjedhjet lokale të 14 majit, Lulzim Basha nuk është parë në takime me demokratët apo duke mbështetur ndonjë nga kandidatët e PD-së së vulës.
/a.r
