“Domethënë ti ia paske çuar me sms fjalimin Fatmir Xhafajt”. Kështu e nisi fjalën e tij në Kuvend Lulzim Basha teksa tha se qytetarët shqiptarë janë dëshmitarë sesi policia i nderon makinat e krimit.
“Departamenti i Shtetit sekretariat i PD-së është? 260 mijë shqiptarë që kanë braktisur vendin gjatë qeverisjes tënde, 125 mijë prej tyre kanë kërkuar azil” – tha Basha nga foltorja.
Në replikë me kryeministrin Rama, kreu i PD tha se “PS e çoi Griseldën në Bruksel duke inskenuar një skenar të denjë për filmat horror”.
“Na tromakse edhe Tanja Fajonin. Kishte dy muaj që nuk e kishte marrë vesh gënjeshtrën tënde me Griseldën. Kush i bëri këto? Unë, Sali Berisha apo ti? Inskenove të gjithë këtë për të ndalur një aspiratë kombëtare. Boshtinaru u kthye në majmun në Parlamentin Europian, rumunët e blerë, por prap vizat nuk i bllokove dot” – tha Basha. /javanews/b.d
