Pas Ramës, poshtë kryeministrisë aty ku protesta ka arritur në ditën e dytë të saj, ka folur lideri i opozitës Lulzim Basha, i cili ka thënë se Rama nuk mund t’i fitojë zgjedhjet me votën e shqiptarëve. Basha shprehet i bindur se kryeministri Rama nuk ja del dot përveçse me kriminelët, që sipas kryedemokratit nuk kanë rënë nga qielli.
“Nuk ranë nga qielli kriminelët. E di që nuk ja del dot. Si mund t’ia dalë një njeri që premtoi shëndetësi falas deh sot shëndetësia është në kolapsin më të madh. E dinë që nuk përballen dot me votën e shqiptarëve dhe nuk e lëshojnë njeri-tjetrin.
10 deputetët me rekorde kriminale janë akoma në parlament. Pse i mban? I mban se i duhet për zgjedhjet e ardhshme.
Do ti themi kurrë më kësaj fasade… Ai nuk punoi për një mirëqenie, pasi kurrë nuk ka qenë për punësimin. Demokraci fasadë do të thotë se çfarë do që të duan shqiptarët, ata duan të ndryshojnë rezultatin.
Do t’i japim fund kësaj maskarade. Nuk do të ketë më zgjedhje të manipuluara. Nuk do pranojmë kurrë një drejtësi fasadë, pasi të gjithë do jenë të barabartë përpara ligjit”-tha Basha.
Disa minuta më parë në “komunikimin e javës” Rama tha se drejtuesit e PD-së vijnë në protest për të maskuar nga sytë e qytetarëve makthin e tyre më të madh, vettingun dhe reformën në drejtësi, dhe se kërkesa për zgjedhje të lira është një justifikim./java/a.k
