Kryetari i Partisë Demokratike Lulzim Basha zhvilloi sot një bashkëbisedim me përkrahës të PAA të Agron Dukës në çadrën e protestës. Gjatë fjalimit që mbajti, kreu i opozitës i’u përgjijg deklaratave të kryeministrit Rama dhënë mbrëmjen e djeshme për dialogun. Basha tha se po pret një përgjigje që Rama të vijë në dialog si kryeministër, por nga dialogu do të dalë i dorëhequr.
“Shprehu dëshirën për të ardhur në çadër, dhe në çadër të lirisë ku shumica prej jush tha se nuk mund të vinte, unë me përgjegjësinë që kë keni ngarkuar, me zemërgjerësinë që duhet të na karakterizojë sot dhe nesër në pushtet, i hapa derën të vij me dorëheqjen si pjesë e zgjidhjes përmes një qeverie teknike. Më që dëshirën për çadrën e ka shprehur shumë herë, eja në këtë çadër me dorëheqjen në xhepin e xhaketës dhe ne do të presim paqësisht. Dialogun e dakordësuam 6 ditë më parë ku do të diskutohej për qeverinë teknike dhe mandatin e saj, ndaj ekipi negociator i opozitës ka qenë në gadishmëri për zgjidhjen. Sigurisht në një dialog të tillë mund të vijë edhe si kryeministër. Mund të vijë si kryeminbisutër në dialog, këtu në çadër nuk mund të vijë, këtu duhet të vijë i dorëhequr. Të hyjë si kryeministër në dialog por do të dalë si kryeministër i dorëhequr për t’i hapur rrugën qeverisë teknike”, tha Basha.
Më tej Basha i dha përgjigje edhe deklaratave të Ramës për dakordësimin e një tryeze për dialog, por që më pas sipas tij u tërhoqën përfaqësuesit e opozitës.
“Duhet të shmangim çdo kurth që i jep oksigjen republikës së vjetër. Duhet të çmontojmë mashtirmet që dalin nga goja e njeriut që sot vendos pushtetin e tij para fatit të Shqipërisë dhe që shumëfishohet nga media të kapura që i shërbejnë interesave të një grupi pronarësh të bërë njësh me krimin. Gjoja paskemi rënë ne dakord për vendin dhe orën e takimit dhe opozita është tërhequr. Ja cfarë ka thënë 5 ditë me radhë, më jep vendin, më jep orën, ja pra që vend dhe orë nuk paska pasur, Se dialogu fasadë nuk ka vend për vendin e orën, siç takohen të dashurit”, tha Basha më tej./a.m.
