Basha: Rama ka rrethuar selinë e PD, s’ka bunker që e shpëton
Konferencë e pazakontë shtypi e kreut të PD Basha sonte në darkë. Ai tha se policia ka rrethuar selinë e PD, me qellimin për të arrestuar demostruesit e protestës së sotme kunder bunkerit.
“Dhjetëra policë qëndrojnë prej orësh para selisë së PD-së, duke pritur të marrin natën, në errësirë dhe me dhunë protestues, që janë edhe mbështetës të PD-së. Dua të dënoj këtë akt burracakësh të bërë nga një burracak siç është Rama, ka thënë kreu i opozitës.
Nuk frikëson dot Edi Rama asnjë demokrat, asnjë qytetar të lirë të këtij vendi, që kërkon të dalë në protestë.
Secili prej nesh, ish-i përndjekur apo nga ata që po përndiqen këto kohë nuk do të dorëzohemi, sepse jemi edhe më të fortë se zbatuesit e dhunshëm të urdhrave të tij.
Edi Rama mund të urdhërojë policë të rrethojnë selinë e PD-së, shtëpinë e madhe të opozitës dhe qytetarëve, por nuk do të shtojë kurrë asnjë orë dhe asnjë ditë të pushtetit të tij në këtë mënyrë, përkundrazi po afron gjithnjë e më shumë fundin e pushtetit të tij.
Nuk ka asnjë bunker që do ta shpëtojë Ramën, nëse u prek qoftë edhe një fije floku cilitdo protestuesi të sotëm”, ka deklaruar Basha.
